Модрич "Реал" билан шартномасини узайтирмоқчи
Мадриднинг "Реал" клуби ярим ҳимоячиси Лука Модрич жамоа билан шартномасини узайтирмоқчи, деб маълумот бермоқда Marca нашри. 35 ёшли футболчининг клуб билан амалдаги шартномаси 2021 йилнинг июнь ойида якунига етади. Лука шартномани узайтириб футболчилик фаолиятини Мадридда якунламоқчи. Бироқ ўйинчи ҳамма нарса унга боғлиқ эмаслигини тушуниб турибди.
Модрич учун ҳал қилувчи жамоа бош мураббийи Зинедин Зидан ва клуб президенти Флорентино Перес ҳисобланади. Ўзаро учрашувдан кейин томонлар хайрлашиш ёки шартномани узайтириш борасида қарор қабул қилишади. Хорватиялик футболчи фаолиятини ҳали якунламоқчи эмас.
Ўқилган: 1775