Россия чемпионатида тўп сураётган икки ҳамюртимиз мавсум якунига кўра энг яхшилардан бири сифатида тан олиниши мумкин.
Ўзбекистон миллий терма жамоаси ва “Ростов” клуби ҳужумчиси Элдор Шомуродов якунига етган РПЛ жорий мавсумининг энг яхши футболчиси сифатида эътироф этилиши мумкин. Бу борада унинг исми ўнталик якуний рўйхатдан жой олган.
Унинг асосий рақобатчилари сифатида Сердар Азмун. Артём Дзюба, Никола Влашич, Александр Миранчук каби футболчилар кўрсатилмоқда.
Маълумот учун Элдор Шомуродов “Ростов” таркибида 28 та ўйинда 11 та гол киритиб, 6 бор шерикларига голли пас берди.
Шунингдек, Россия чемпионатида тўп тепаётган яна бир иқтидорли футболчимиз Остон Ўрунов мавсум якунига кўра “Энг яхши ёш футболчи” бўлиши мумкин.
Эслатиб ўтамиз, “Уфа” сафида мавсумнинг иккинчи ярмидан ҳаракат қила бошлаган ҳамюртимизга Москванинг “Спартак” ва ЦСКА клублари жиддий қизиқиш билдирмоқда.
Жисмоний тарбия ва спорт вазирлиги
Матбуот хизмати