"Ливерпуль" клуби бош мураббийи Юрген Клопп "Барселона" ҳужумчиси Лионель Месси ва унинг "Ювентус"даги ҳамкасби Криштиану Роналдуларни таққослаб кўрди.
"Мен учун Месси салгина кучлироқ. Лекин Роналдуни чексиз ҳурмат қиламан. Буни шундай тушунтиришим мумкин: биз иккисига ҳам қарши тўп сурганмиз ва уларга қарши ўйнаш жуда мушкул.
Агар идеал футболчининг сиймосини чизиш керак бўлса, унинг бўйи Роналдудек бўлиши керак. Сакраганда ҳам худди Криштиану сингари баландга кўтарилиши лозим.
Мен бунга қўшимча ишга бўлган муносабатни ҳам айтган бўлардим. КриРонинг муносабати аъло даражада ва жуда профессионал, ундан ортиғи йўқ.
Иккинчи тарафдан олиб қарасак кичкинагина Месси бор. У майдонда қилаётган ишларни кўриб, футболчи сифатида янаям кўпроқ ёқтиришингизни биласиз", - дейди Клопп.