"Барселона" клуби ярим ҳимоячиси Арда Турон Каталония клубига қандай келиб қолгани ҳақида гапириб ўтди. Унинг фикрича, "Бавария"га ўтишни кутган экан.
"Менинг агентим охиригача "Барселона"га ўтишим ҳақида чурқ этмаган. Мен трансфер ҳақида 15 кун ўтгач билганман. Шу вақт ичида Мюнхенга - "Бавария"га кетсам керак, деб ўйлардим.
Худди шу санадан бир йил аввал эса, "Манчестер Юнайтед"га ўтишим керак эди. У ҳам амалга ошмай қолган.
Бир куни агентимнинг сумкасидан ҳужжатлар тушиб кетди. Қарасам "Барселона" логотипи турган ҳужжатлар экан. Бунга ишонмасдим", - дейди туркилиялик футболчи.
Эслатиб ўтамиз, Туран 2015 йилда "Атлетико"дан 34 млн евро эвазига "Барса"га ўтган. 2018 йилнинг январидан бери "Истанбул Башакшехир" клубида ижарада тўп суради.
Каталонияликлар билан амалдаги шартномаси шу йил ёзда тугайди.