Мубин Эргашев: “Локомотив” – яхши жамоа
ОЧЛ саралаши доирасида “Локомотив” – “Истиқлол” учрашувидан кейинги матбуот анжуманининг биринчи қисмида меҳмон жамоа бош мураббийи Мубин Эргашев қатнашди.
– Ўйин томошабоп ўтди, мухлисларни сўнгги сонияларга қадар ҳаяжонда ушлаб турди. Менимча барча менинг ушбу фикрларимга қўшилади. Шунингдек, ушбу ғалаба замирида Виталий Левченко бошчилигидаги мураббийлар штабининг катта меҳнати ҳам ётибди.
Уларга раҳмат айтаман. Кейинги босқичга чиққанимиздан хурсандман. “Локомотив” ҳам яхши жамоа, аммо бу футбол. Биз бугун иккинчи рақамда ўйнадик ва барчаси режамиз бўйича кечди. “Локомотив” паслар, узун ва қисқа тўп оширишларида анчагина фаол бўлди ва тўпни ушлаб турди. Бироқ биз вазиятдан унумли фойдалана олдик.
Ўқилган: 3010