AS: Салоҳ “Ливерпуль” раҳбариятига жамоадан кетиш истагида эканини айтди
“Ливерпуль” клуби ҳужумчиси Муҳаммад Салоҳ ёзги трансфер мавсумида мерсисайдлар сафини тарк этиши мумкин, дея хабар қилмоқда AS нашри.
Манбада таъкидланишича, мисрлик футболчи жамоа устози Юрген Клопп билан чиқиша олмаяпти. Келишмовчилик шу даражага етганки, 26 ёшли футболчи қўйиб юборишларини сўраб клуб раҳбариятига мурожаат қилган. Ўз навбатида мазкур келишмовчиликда муроса йўли танланмаси “Ливерпуль” Муҳаммадни сотиб юборишга тайёр.
Бу ҳолатдан Мадриднинг “Реал” клуби фойдаланиб қолиши мумкин. Қаймоқранглилар устози Зинедин Зидан Салоҳ трансферига қарши эмас.
Салоҳ ушбу мавсум қизиллар сафида 38 ўйин ўтказиб, 19 гол ва 8та голли пасга муаллиф бўлди.
Ўқилган: 3984