Хабиб Нурмагомедов: Мен Роналдунинг ҳаёти учун жавоб бермоқчи эмасман
UFC енгил вазн бўйича жаҳон чемпиони Хабиб Нурмагомедов ўзининг Криштиану Роналду билан дўстлиги ҳақида гапириб ўтди.
"ММА дан ташқари бўлган кўплаб одамлар билан муносабатда бўламан. Криштиану Роналду билан ҳар ўйиндан кейин ёзишиб турамиз.
Уни Доғистонга таклиф қилиш? Билмадим лекин, бундай фикр ҳаёлимизга келмаган экан. Мен унинг учун қўриқлов хизматини ёллашим керак бўлади. Унинг бу ердаги ҳаётига жавоб бера оламанми йўқми? Лекин бизда ОАВда тарқатаёгандай эмас, бу ерда ҳавфсиз ҳаёт ҳукм суради.
Ҳар қандай вазиятда ҳам у дунёдаги энг машҳур спортчи. Унинг ҳаёти учун жавобгар бўлишни истамайман. Лекин истаган пайтида учиб келиши мумкин. Уни кутиб олишдан хурсанд бўлар эдим", - дейди жангчи.
Ўқилган: 3675