Испания чемпионатининг 33-туридан ўрин олган "Реал" – "Атлетик" учрашуви ўз ниҳоясига етди. “Сантьяго Бернабеу” стадионида бўлиб ўтган баҳсда мезбонлар ишончли ғалабани қўлга киритишди.

Учрашувни мезбонлар қатор ҳужумлар билан бошлашди, бироқ биринчи бўлимда ҳисоб очилмади. Иккинчи бўлим дебюти мадридликлар учун омадли келди. Карим Бензема бўлимнинг иккинчи дақиқасидаёқ жамоасини олдинга олиб чиқди.

76-дақиқада франциялик ҳужумчи дублини нишонлаб жамоасининг ҳисобдаги устунлигини оширди. Ҳакам томонидан қўшиб берилган вақтда Бензема ўзининг ва жамоасининг учинчи голини урди.

Шу тариқа, “Қироллик клуби” очколарини 64тага етказиб олган ҳолда учинчи ўринда боришмоқда. “Атлетик” (46) эса еттинчи ўринга қолди.

Ла Лига, 33-тур
Реал Мадрид – Атлетик 3:0 (0:0, 3:0)
Голлар: 1:0 – 47 Бензема, 2:0 – 76 Бензема, 3:0 – 90 Бензема.
Реал Мадрид – Навас, Карвахаль, Вальехо, Варан, Марсело, Модрич, Кроос (Иско, 70), Асенсио (Браим Диас, 84), Каземиро, Васкес (Бэйл, 70), Бензема.
Атлетик – Яго Эррерин, Йерай Альварес, Мартинес, Берчиче, Иньиго Лекуэ, Сан Хосе, Беньят, Кордоба (Лопес, 76), Рауль Гарсия (Адурис, 76), Муниаин, Иньяки Уильямс.
Огоҳлантиришлар: Кордоба (3), Берчиче (15), Рауль Гарсия (45), Мартинес (53), Кроос (69), Навас (82).

*****

Тезкор футбол хабарларини UFF.uz расмий Телеграм каналида кузатиб боринг!

*****

Эътиборингизга Карим Бенземанинг сўнгги сонияларда урган учинчи голини ҳавола этамиз: