Англия чемпионатининг қолдирилган 31-туридан ўрин олган "Тоттенхэм" – "Кристал Пэлас" учрашуви ўз ниҳоясига етди. “Тоттенхэм Хотспур Стэдиум”да бўлиб ўтган баҳсда мезбонлар ишончли ғалабани қўлга киритишди.
Учрашувнинг биринчи бўлими “шпорлар”нинг устунлигида ўтган бўлсада, бу таблода акс этмади. Иккинчи бўлимда эса майдон эгалари тезкор гол уришга муваффақ бўлишди.
55-дақиқада Сон Ҳин Мин мезбонларни олдинга олиб чиқди ва янги стадиондаги илк голга муаллиф бўлди. Ўйин якунланиши арафасида Кристиан Эриксен ўйинга нуқта қўйган голга муаллиф бўлди.
Шу тариқа, “Тоттенхэм” очколарини 64тага етказиб олган ҳолда учинчи ўринга қайтди.
Ушбу учрашувда киритилган голларни UFF.uz Media каналида томоша қилишингиз мумкин.
АПЛ, 31-тур
Тоттенхэм – Кристал Пэлас 2:0 (0:0, 2:0)
Голлар: 1:0 – 55 Сон Хин Мин, 2:0 – 80 Эриксен.
Тоттенхэм – Льорис, Триппьер, Алдервейрелд, Вертонген, Роуз (Уинкс, 69), Эриксен, Сиссоко, Алли (Лукас Моура, 82), Дэвис, Кейн, Сон Ҳин Мин (Ваньяма, 90).
Кристал Пэлас – Гуаита, Томкинс, Уан-Биссака, Келли, ван Анхолт, Макартур, Шлупп, Куяте (Таунсенд, 79), Миливоевич, Заа, Батшуайи (Бентеке, 81).
Огоҳлантириш: Алли (29).
Эътиборингизга Сон Хин Миннинг 55-дақиқадаги голини ҳавола этамиз: