“Манчестер Юнайтед” клубининг собиқ бош мураббийи Жозе Моуринью жамоа футболчиси ва Rolls-Royce автомобили ҳақидаги воқеани айтиб берди.
“Биз Манчестердан 30 километр нарида жойлашган шаҳарда ўйин ўтказдик. Бир ўйинчи мендан учрашувдан кейин жамоа билан эмас ўзининг машинасида кетишга рухсат сўради.
Мен жавоб бердим: “Агар биз Лондонга йўл олганимизда ва сен у ерда қолишни истаганингда, буни тушунса бўлади. Аммо биз яқин жойда ўйнаяпмиз, бу ерда мантиқ йўқ”.
Йигитнинг жаҳли чиқди. Биз у ўйинда ғалаба қозондик ва футболчи мендан яна бир марта сўради. Мен натижадан қониққан эдим ва юмшоқроқ жавоб бердим: “Автобусга ўтир ва ҳайдовчингга ўн дақиқа нарида кутишини айт, кейин эса қаерга истасанг ўша ерга кетавер”.
Бу йигит шунда ҳам хурсанд бўлмади. Мен матбуот анжуманига йўл олдим, автобусга ёнига келганимда эса Rolls-Royce автомобилига кўзим тушди.
Машина янги эди, жаноби олийлари стадионни Rolls-Royce'да тарк этишни истаган эканлар.
Бу ерда нима қилиш мумкин эди? Унга Rolls-Royce'га ўтиришни таъқиқлаш керакмиди? Кайфиятим чоғ бўлиб турган пайтда рухсат беришим керакмиди? Ёки бу муаммони шундай ҳал қилиш керак эди-ки, натижада мен таътилга йўл олишим керак эди”, – дейди Моуринью.
Эслатиб ўтамиз, Погба 2018 йилнинг бошида Rolls-Royce автомобилида кўриниш берганди.