Москвада Россия ва Ўзбекистон Миллий олимпия қўмиталари раҳбарлари ўртасида расмий учрашув бўлиб ўтди

Токио Олимпиадаси бошланишига ҳам деярли 1 йил вақт қолди. Ушбу муддат оралиғида терма жамоа аъзоларини мусобақага пухта тайёрлаш ҳар бир Миллий олимпия қўмиталарининг олдида турган энг асосий вазифа ҳисобланади.

Ўзбекистон Миллий олимпия қўмитаси олдида ҳам ана шундай масъулиятли вазифа турибди. Олдинда турган катта ҳажмдаги ишларни амалга ошириш учун энг спортдаги энг илғор мамлакатлар билан ҳамкорлик ишлари талаб этилади. Айни пайтда Ўзбекистон Миллий олимпия қўмитаси президенти Рустам Шоабдураҳмонов Москва шаҳрида бўлиб турибди ва ушбу ташриф доирасида кеча Россия олимпия қўмитаси раҳбари Станислав Поздняков билан расмий учрашув бўлиб ўтди.


Учрашув мобайнида ҳар икки ташкилот раҳбарлари кенг доирадаги ўзаро ҳамкорлик борасида суҳбат олиб боришди. Унга кўра, бир қатор спорт турлари бўйича қўшма ўқув-машғулот йиғинларини ўтказиш, биргаликда спорт тадбирларини ташкил қилиш, спорт тиббиёти, фармакология масалаларида ҳамкорлик қилишга келишиб олинди. Шунингдек, Сочи ва Кисловодскдаги спорт базаларида терма жамоамиз вакилларининг ўқув-машғулот йиғинларини ўтказиши, спорт университетларидаги профессор ўқитувчиларнинг малака ошириши борасида келишувга эришилди.


Ташриф давомида Рустам Шоабдураҳмонов Россия олимпия қўмитаси фаолияти билан яқиндан танишди. Қўмита қошида ташкил этилган Инновацион марказни бориб кўрди. Ўзбекистон МОҚ раҳбарига Москва сафари давомида Республика спорт тиббиёти илмий-амалий маркази директори, профессор Абдушукур Садиков ҳамроҳлик қилмоқда.

Бугун, 10 июль куни ҳамкорлик доирасида Россия спорт вазири Павел Колобков билан ҳам учрашув белгиланган.

Рустам Шоабдураҳмонов Ўзбекистон миллий олимпия қўмитаси
Место для Вашей рекламы

Фойдаланувчилар фикрлари



Мазву бўйича

Тошкентда таэквондо бўйича жаҳон чемпионатининг тантанали очилиш маросими бўлиб ўтди
20:56
Волейболчиларимиз Непалдаги халқаро мусобақадан қайтиб келишди
07:16
Дзюдо. Шарофиддин Лутфиллаев жаҳон чемпионатида кумуш медалга сазовор бўлди
18:11