Ража Наингголан ҳам Хитойда тўп суриши мумкин
"Интер" ярим ҳимоячиси Ража Наингголан фаолиятини Хитой чемпионатида давом эттириши мумкин.
Италиялик таниқли журналист Жанлука Ди Марцио хабар тарқатишича, 31 ёшли бельгиялик футболчига "Дальян Ифань" клуби жиддий қизиқиш билдирмоқда.
Наингголан ушбу клуб вакиллари билан музокарага киришган. Томонлар яқин орада келишувга эришиши кутилмоқда.
Футболчининг "Интер" билан 2022 йилга қадар шартномаси мавжуд. Бироқ клуб бош директори Бепп Мароттанинг сўзларига кўра, Наингголлан "Интер"нинг янги мавсумдаги режаларига кирмайди.
Ўқилган: 1010