Евро-2020 саралаши. Бугун Испания ва Италия термалари ўз ўйинларини ўтказишади
Евро-2020 мусобақасининг саралаш ўйинлари давом этади. Бугун 1-турнинг сўнгги ўйинлари бўлиб ўтади.
D гуруҳи вакиллари Грузия ва Швейцария терма жамоалари бугунги дастурни очиб беришади. Гуруҳнинг иккинчи ўйинида Ирландия терма жамоаси Гибралтар майдонига сафар қилади. Ушбу турда Дания термаси дам олади.
F гуруҳи фаворитларидан бири Швеция ўзида Руминияни қабул қилса, Испания термаси Норвегия билан куч синашади. Мальта эса Фарер ороллари билан масалага ойдинлик киритади.
J гуруҳидаги ўйинлар ҳам бугун бўлиб ўтади. Италия термаси ўзида Финландияни қабул қилади. Арманистон эса Босния ва Герцеговинага қарши ўйнайди. Греция термаси Лихтенштейн майдонига сафар қилади
Ўқилган: 2503