Жозе Моуринью: Менга иш керак, номдор клуб бўлиши шарт эмас
"Манчестер Юнайтед" клуби собиқ бош мураббийи Жозе Моуринью мураббийлик фаолиятига ёзда қайтмоқчи эканлигини айтиб ўтди.
"Ишсиз юрганимга 3 ярим ойдан ошди. Аммо, энди ишлашга қайтмоқчиман. Футбол билан ошно одамнинг ўзига вақти қолмайди: қачон қарама матбуот-анжуманлари, ўйинлар, видеотаҳлилни кузатиш, ҳар кунги муаммолар ва ҳоказо. Мана шу муддат мен учун қайта уйғониш даври бўлди.
Мураббийлик - бу ўзига хос касб ва унинг кунлик "режим"ига кўникиб қолганман. Янги мавсум олдидан ишга қайтмоқчиман.
Менга нима керак эмаслигини аниқ биламан, шунинг учун 3-4 таклифни рад этдим. Нима кераклигини ҳам биламан. Менга клубнинг жарангдор номи керакмас, муҳими ўзининг фалсафаси бўлсин.
Умид қиламан, шунақа иш топаман", - дейди Моуринью.
Ўқилган: 1442