Роналду сўнгги ўн йилликдаги энг ёмон натижасини қайд этди
“Ювентус” клуби ҳужумчиси Криштиану Роналду А Сериянинг сўнгги турини ўтказиб юборади.
“Сампдория”га қарши ўйинда 34 ёшли футболчига дам олиш имконияти тақдим этилган.
Туринликлар устози Массимилиано Аллегрининг гапларига кўра, Португалия термасининг Миллатлар Лигаси финал босиқичидаги ўйинларидан олдин Роналдуга хордиқ керак.
Шу тариқа, Роналду Италия чемпионатининг ушбу мавсумида 31 ўйинда майдонга тушиб 21 гол уришга эришди.
Бу унинг 2008/09 мавсумдан кейин чемпионлардаги энг ёмон натижасидир. 10 йил аввал Криштиану “МЮ” сафида АПЛнинг бир мавсумида 18та гол урганди.
Ўқилган: 3166