ОАВ: Почеттино “Ювентус”ни бошқаришга рози бўлди
“Ювентус” клуби жамоа бош мураббийлигига “Тоттенхэм” устози Маурисио Почеттинони олиб келмоқчи.
Туринликлар спорт директори Фабио Паратичи Лондонда воситачилар орқали “шпорлар” президенти Дэниэл Леви билан музокара ўтказган.
Бундан ташқари воситачилар Паратичи номидан Почеттино билан боғланишган ва 47 ёшли аргентиналик мутахассис таклифга розилик берган.
“Юве” Почеттино билан тўрт йиллик шартнома имзолаши мумкин, дея хабар қилмоқда La Gazzetta dello Sport нашри журналисти.
Ўқилган: 3367