“Ливерпуль” ҳужумчиси Дивок Ориги бош мураббий Юрген Клопп ва мавсум якунлари борасида ўз фикрлари билан ўртоқлашди.
Қўлдан кетган чемпионлик борасида
“Биз мавсумни юқори нотада ўтказишга интилдик. Биргина мағлубият билан якунлай олдик, кўплаб ғалабаларга эришдик, афсуски, бу чемпионлик учун етарлича бўлмади. “Манчестер Сити” ғолиблик учун характер кўрсата олди, ҳар бир ўйинида зафар қуча олганлиги билан ёдда қолди. Бироқ биз тушкунликга тушмаймиз, олдимизда Европа Чемпионлар лигаси финал баҳси кутиб турибди, ушбу ўйинга жиддий тайёргарлик кўрамиз ва бош соврин эгаси бўлмоқчимиз.
Юрген Клопп билан муносабатлари ҳақида
“Клопп шундай мураббийки, у сендан нима истаётганини тўғри тушунтириб бера олади. Тўғри, мен кўп ўйин амалиётига эга бўлганим йўқ. Бироқ бундан мен асло хафа бўлмадим. Чунки, Клопп ҳар доимо менга таъкидлаб келди. “Сени вақтинг бўлади, сен шу имкониятингни кутиб тур ва шунга монанд тайёргарлик кўр”.
“Барселона” билан ўйиндан кейинги ҳиссиётларимни сўз билан ифодалай олмайман. Биз шунчаки яхши ўйнадик, тўпни кўпроқ назаорат қилдик, ғалаба учун тиш-тирноғимиз билан курашдик. Бу эса натижани яхши бўлишига сабаб бўлди”, - деб Ориги сўзларидан келтирмоқда Sky Sports.