"Ливерпуль" клуби бош мураббийи Юрген Клопп "Ньюкасл" жамоасига қарши Англия чемпионати доирасидаги ўйин олдидан ўз фикрлари билан ўртоқлашди.
- Жуда ҳам қийин ўйин. Улар жуда ҳам яхши формада. Рақибимиз сўнгги ҳафталарда бир нечта ўйинларда ғолиб бўлишди ва қулай вазиятда келишмоқда. Бизга қарши ўйиндан кейин улар ўйин услубини ўзгартирди.
Сўнгги турларда ажойиб ўйин ўтказмоқдамиз. Шу тарзда давом этиш лозим.
- "Барселона" жамоасига қарши ўйин ҳақида ўйламаяпсизми?
- Биз ўтган ўйинлар ҳақида кўп ўйламаймиз. Бунга бизнинг вақтимиз йўқ. Биз ушбу саволга жавобни сешанба куни қидириб кўрамиз, ҳозир эмас. Йигитлар "Ньюкасл" жамоасига қарши ўйин ҳақида ўйламоқда.
Барселонада бўлган воқеадан кейин йигитларни қўллаш ва қучоқлаш керак эмас эди. Агар ғалаба қозонишни истасанг, мағлуб бўлишни ҳам ўрган. Ўйин бўйича менда салбий фикрлардан кўра, ижобийлари кўпроқ.
- "Ман Сити" билан кураш ҳақида ўйлаяпсизми?
- Агар чемпионлик учун 98 очко керак бўлса жуда ҳам яхши. Нима бўлганда ҳам ажойиб мавсумни ўтказдик. Мен тўлақонли қониқдимми? Йўқ, чунки мавсум ҳали якунига етгани йўқ.
- "Сити" билан олтин ўйин ўтказиш имконияти ҳақида нима дейсиз?
- Вау, ростини айтсам мен бу ҳақида ўйламаган эдим. Жуда ҳам зўр бўлар эди, лекин бунинг иложи йўқ.
- Жамоада кайфият қанақа? Чарчоқ йўқми?
- Йигитлар "ёнмоқда". Пойгада бўлганингда чарчамас экансан. Биз жуда ҳам юқори руҳланганмиз. Бизнинг қиладиган ишимиз – "Ньюкасл" жамоасини енгиш. Бу эса жуда ҳам қийин. Душанба куни кечқурун қолган жамоалар билан нима бўлади – бизнинг ишимиз эмас.
Икки йил ичида жамоага иродали футболчилар келиб қўшилди. Ҳар бири ўз ўрнини топиб олди. Ўйинчилар ўзига бўлган ишончни оширишди. Биз ҳақиқий "Ливерпуль" клубимиз. Йигитларнинг ўзи шуни яратди, - дейди Клопп.