Ўзбекистон U-23 билан саралашга Кападзе боради. Шу сабаб Про лигада кичик ўзгариш

U-23 Осиё чемпионатига келаси йил Ўзбекистон мезбонлик қилади. Шунга қарамай, вакилларимиз барибир Кувайтдаги саралаш турнирида иштирок этади. Натижа қандай бўлишидан қатъий назар, жамоамиз мусобақанинг финал босқичида ўйнайди.

ЎзПФЛ мусобақалар тақвимини ишлаб чиққан бир вақтда Осиё чемпионати U-23 саралашига ҳали қуръа ташланмаган, шунингдек, ЎФА мусобақада қайси жамоа иштирок этиши масаласига тўла ойдинлик киритмаганди. Эндиликда маълумки, “Олимпик” устози Темур Кападзе мураббий сифатида U-23 Осиё чемпионати саралашида ўйнаш учун Кувайтга боради.

Айни шу вақтда Про лига ўзининг энг қизиқарли палласига кирган бўлади. Яъни, Суперлига учун кураш олиб бораётган жамоаларда бу ҳал қилувчи палла. Йўлланма учун “Олимпик” жамоасида ҳам имконият бор эканидан келиб чиқилса, демак бир хилликни сақлаш учун Кападзе ва жамоа Кувайтга йўл олган бир вақтда, қолган жамоалар ҳам танаффусга чиқишига тўғри келади.

Шундан келиб чиқиб, ЎзПФЛ аввалги режа бўйича 12 сентябрь куни Про лига I босқичининг сўнгги турини ўтказади ва айтилганидек, 13 сентябрь куни II босқичга қуръа ташлаб берилади. Кападзе бошқарувидаги терма жамоа 27-31 октябрь кунлари Кувайтга расмий ўйинлар ўтказади. Унга қадар ва шундан кейин бўлган турлар ЎзПФЛ тақвим режасида кўрсатиб ўтилган.

Бунда яна икки жиҳатга аҳамият бериш керак. Маълумки, “Олимпик” Ўзбекистон Coca-cola кубогининг ¼ финал босқичида “Пахтакор” билан ўйнаши керак. Мазкур ўйинлар аввалдан 28-29 октябрь саналарига тайин қилинганди. Аммо вазият бунда ҳам саналарни ўзгартиришни тақазо қилади. Шундан келиб чиқиб, Coca-cola Суперлига 23-туридан ўрин олган “Сўғдиёна” — “Пахтакор” ўйини 24 октябрга, кубок доирасидаги “Олимпик” — “Пахтакор” ўйини эса 20 октябрга кўчирилди.

Иккинчи тарафдан, Кападзе жамоасида катта эҳтимол билан “Шўртан”, “Хоразм”, “Арал самали”, “Янгиер” клубларидан футболчилар бўлмайди. Буни инобатга олиб, Про лигадаги қуйи тўрт ўрин жамоалари иштирокидаги учрашувлар ноябрь ойигача якунланади. ЎзПФЛ тақвим режаси билан шу ҳавола ёрдамида танишиш мумкин.

Ўқилган: 2276
U-23 Осиё чемпионати

Фойдаланувчилар фикрлари



Мазву бўйича

AFC Integrity вакиллари Суперлига ва Про-лига клублари бош мураббий ва раҳбарлари учун семинар ўтказди
06:10
Спорт вазирлиги ва ЎФА раҳбарияти Тошкент вилояти академияси билан яқиндан танишди
19:41
Ўзбекистон U-16 терма жамоаси Тошкентда йиғин ўтказади
15:41