Клопп Алиссонга ишонади
"Ливерпуль" жамоаси бош мураббийи Юрген Клопп сўнгги пайтларда жуда кўп хатоликларга йўл қўяётган дарвозабон Алиссон ҳақида гапирди.
"Алиссонга бўлган ишончим борасида сўрасангиз, ҳеч нима ўзгармади, дея оламан. Барчамиз одаммиз, шу жумладан, Алиссон ҳам. Сўнгги икки ўйинда у робот эмаслигини кўрсатди. Бу муаммо эмас. У бу борада ишламоқда.
Унга қараб: "Алиссон, сен дунёнинг энг зўр дарвозабонисан", дейишдан маъно йўқ. Футболчи эрталаб туриб, ойнага қараганида дунёнинг энг зўрини кўриб турганига ишонч ҳосил қилиши керак. Хато қиляпсанми, демак, ўзингга келишинг керак. Алиссон жуда ақлли, у буни енгиб ўта олади", - деди германиялик мутахассис.
Ўқилган: 1752