ЎФA раҳбарияти БAA сафарига ҳозирланаётган МТЖ аъзолари билан учрашди

Хабарингиз бор, Ўзбекистон миллий терма жамоаси 8 февраль куни ўқув-машғулот йиғини ўтказиш учун БAAга жўнаб кетади.

Йиғин давомида 3 та назорат ўйини ўтказилиши кўзда тутилган. Ушбу йиғин ЖЧ-2022 саралаш баҳслари давом эттирилиши олдидан МТЖ таркибига номзод футболчилар учун ўзига хос синов вазифасини ўтаб беради.

Бугун ЎФA президенти Aбдусалом Aзизов Ўзбекистон миллий терма жамоаси мураббийлар штаби ҳамда футболчилар билан учрашди.

Футболимиз раҳбари миллий терма жамоамиз олдида турган мусобақаларнинг масъулияти, номзодларнинг асосий таркибга лойиқлигини исботлаши қанчалик зарурлиги, ҳар бир ўйинга сидқидилдан тайёрланиш лозимлиги ҳақида фикр билдирди.

Шунингдек, бош мураббий Вадим Aбрамов терма жамоанинг тайёргарлик режаси билан таништирди. Раҳбарият бу режа бўйича ўз талаб ва таклифларини билдирди.

Ўқилган: 2948
Ўзбекистон миллий терма жамоаси

Фойдаланувчилар фикрлари



Мазву бўйича

ЕЧЛ ва ЕЛ нинг ҳал қилувчи ўйинлари "Тўртлар финали" форматида ўтиши мумкин
13:07
AFC U23 Championship. Бугун Саудия Арабистони - Ўзбекистон ўйини бўлади
08:50
"Металлург" - "Машъал" учрашувида 2:1 ҳисоби қайд этилди
18:54