"Манчестер Юнайтед" бош мураббийи Оле-Гуннар Сульшер Англия чемпионатида жамоасининг ғалабага имконияти ҳақида фикр билдириб ўтди.
"Кўплаб кетма-кет ўйинлар ўтказиш керак бўлади. 31декабрь куни "Вилла"га қарши ўйиндан кейин чемпионатда кичик танаффус бўлади.
Шундай экан, ушбу муддат биз учун жуда ҳам муҳим. Шундан кейин менга сизнинг саволингизга жавоб беришим осонроқ бўлади. Ҳозир чемпионатда ҳаммаси навбати билан бўлмоқда.
Ҳар хил натижаларнинг турлича сабаблари бор. Биз янада кучли бўлаётганимизни ҳис қилмоқдаман, бироқ кейинги қадамни ташлаш учун ривожланиш керак.
Ўйлашимча, ушбу мавсум ўзига ҳос бўлади. Юқорига чиқишлар ва пасайишлар бўлади. Барқарорликка эришган жамоаларда ўтган бир неча мавсумдан фарқли ўлароқ, имкониятлари анча яхши бўлади", - дейди Сульшер.