Маскат шаҳрида ООКнинг 39-Бош Ассамблеяси иш бошлади
Ўмоннинг Маскат шаҳрида Осиё Олимпия кенгашининг (ООК) 39-Бош Ассамбеляси ўз ишини бошлади. Хабар берганимиздек, ушбу тадбирда ташкилот вице-президенти Отабек Умаров бошчилигидаги Ўзбекистон делегацияси ҳам иштирок этмоқда.
Ассамблеяни ООК президенти Шайх Аҳмад Ал Фаҳад Ас Сабаҳ очиб берди. Шунингдек, унда Ўмон Султонлигининг маданият, спорт ва ёшлар ишлари вазири Сайид Теязин бин Саид, Халқаро Олимпия қўмитаси президенти Томас Бах (онлайн) ҳам нутқ сўзлаб, қатнашчиларга ўзларининг илик тилакларини билдириб ўтишди.
Анжуман кун тартибидан 2030 йилги ёзги Осиё ўйинларига мезбон аниқлаш, 2025 йилги ёшлар Осиё ўйинлари мезбон давлати билан ООК ўртасида шартнома ишзолаш каби маросимлар ўрин олган.
Ўқилган: 1088