"Манчестер Юнайтед" клубининг собиқ футболчиси, телеэксперт Гари Невилл "Манчестер Сити" жамоасининг "Ливерпуль"га қарши ўйиндан кейин аҳволи ҳақида фикр билдириб ўтди.
"Ҳақиқатдан ҳам ҳамма гап Агуэронинг йўқлигидами? Ҳаммаси бунчалик осон бўлиши мумкин эмас. Нимадир ўзгарган. Ҳар икки жамоа ўтган йилгидан кучсизроқ бўлиб қолишган ва бу чемпионатни янада қизиқарлироқ қилади.
"Сити"да ҳавотир олиш учун сабаблар бор. Уларнинг ҳужумларида аниқлик камайган, менимча улар бир неча йил олдинги каби кўпроқ Кевин де Брюйнега ишониб қолишмоқда. Агар у ўз оқимиди бўлмаса, вазиятлар кам яратилади.
Давид Силванинг йўқлиги катта таъсир қилаётгани кўриниб турибди, у ажойиб ўйинчи. Шундай экан "Сити" ўзгармоқда.
Улар ҳимояда унчалик ҳам яхши эмас, ҳужумда аниқлик камайган, лекин ҳали ҳам ажойиб жамоа бўлиб қолмоқда. Ҳозир биз бироз пасайган вазиятини кўриб турибмиз", - дейди Невилл.