Осиё Олимпия кенгаши Хитойнинг Санья шаҳрида бўлиб ўтадиган VI Осиё соҳил ўйинлари Ташкилий қўмитаси билан навбатдаги мажлисини видеоанжуман тарзида ўтказди.
VI Осиё соҳил ўйинлари 2020 йилнинг 28 ноябридан 6 декабргача бўлиб ўтиши керак эди. Бироқ COVID-19 пандемияси сабабли ушбу Ўйинлар 2021 йилнинг 2-10 апрелига кўчирилди.
Унда иштирок этиш учун Осиё Олимпия кенгашига аъзо 45 та Миллий олимпия қўмиталарининг 3000 нафар спортчиси ва расмий шахслари рўйхатга олинган. Лекин рўйхатга олиш учун белгиланган 31 декабргача бўлган муддатда уларнинг сони 4000 кишига етиши кутилмоқда.
Ушбу мажлисининг кун тартибидаги асосий масала Санья шаҳрига келадиганларнинг соғлиғи ва хавфсизлигига эътибор қаратиш бўлди. Бу карантин тартиблари, тестдан ўтказиш, Ўйинлар шаҳарчасида ижтимоий масофани сақлаш масалаларини қамраб олди.
VI Осиё соҳил ўйинларида спортнинг 16 тури бўйича 82 та мусобақа ўтказилади. Спортнинг айрим жамоавий мусобақалари Ўйинлар очилиши олдидан – 31 мартдан бошланади.
Санья шаҳрида яқинда барпо этилган спортчилар шаҳарчаси 4000 спортчи ва расмий шахсларга мўлжалланган.
VI Осиё соҳил ўйинларини ўтказиш масалалари муҳокама этилди
Ўқилган: 882