Умидимиз оғир вазнли полвонлардан

Будапешт шаҳрида дзюдо бўйича “Катта дубулға” туркумига кирувчи мусобақанинг иккинчи кун беллашувлари ҳам давом этмоқда. Афсуски, бугун ҳам терма жамоамиз вакиллари шоҳсупага кўтарилиш имкониятини сақлаб қола олишмади.

-81 кг вазн тоифасида курашган Камолиддин Расулов ва Гулноза Матниязова (-70 кг) иккинчи, Шарофиддин Болтабоев эса учинчи даврадан мусобақа билан хайрлашди. Бугунги энг яхши натижамиз Ҳикматиллоҳ Тўраевга насиб этди. -73 кг вазн тоифасида иштирок этган вакилимиз еттинчи поғонада турнирни якунлади.

Шу тариқа бор умидимиз эртага кураш олиб борадиган юқори вазн тоифасидаги вакилларимиздан. Эртанги баҳсларда 3 нафар дзюдочимиз татамига чиқади. Таъкидлаш жоиз, мусобақани кузатиб бориш ва ҳамюртларимизга далда бўлиш учун МОҚ вице-президенти, Ўзбекистон дзюдо федерацияси раиси Азизжон Камилов ҳам Будапештга етиб борган.

Ўқилган: 927
UFF.uz Спорт

Фойдаланувчилар фикрлари



Мазву бўйича

Ханчжоу-2022, Париж-2024: “Ўзбек йўлбарслари”нинг тайёргарлиги муҳокама қилинди
17:06
ХОҚ Олимпиаданинг кўчирилгани учун бир неча юз миллион долларни ўз бўйнига олади
11:21
Олимпия ҳалқаси — бирлик тимсоли
16:36