"Тоттенхэм" клуби бош мураббийи Жозе Моуриньо "Манчестер Юнайтед" жамоасига қарши ўйин олдидан собиқ клубидаги фаолиятига бахо берди.
"Мухлислар мен қўлимдан келган ҳамма ишни амалга оширганимни тушунишади. "МЮ"да ютиш мумкин бўлган ҳамма нарсани ютдим. Ютиш мумкин бўлмаган нарсани ютмадим.
Мен ҳамма нарса бердим, клубга ҳаётимни бағишладим, ҳар доимгидай профессионал бўлдим.
Клубда ажойиб одамларни учратдим, бутун умрлик яхши дўстлар орттирдим. "МЮ"га иссиқ туйғулар ҳис қиламан, энди бу туйғуларни 90 дақиқага унутиш керак бўлади. Футбол шунақа, улар ғалаба қозонишни истайди, мен ғалаба қозонишни истайман", - дейди португалиялик мутахассис.
Моуриньо "Манчестер Юнайтед" клубида Лига Кубоги, Англия Суперкубоги ва Европа Лигасида ғалаба қозонди.