Декабрда AIBAга янги раҳбар сайланади

Жорий йил Венгриянинг Будапешт шаҳрида Халқаро ҳаваскор боксчилар ассоциациясининг (AIBA) навбатдаги конгресси ўтказилиши ва унда ташкилотга янги раҳбар сайланиши керак эди. Бироқ коронавидус пандемияси сабаб мазкур тадбир бекор қилинди.

Халқаро ташкилотнинг маълум қилишича, ушбу конгресс декабрь ойида онлайн тарзда ташкил қилинадиган бўлди. AIBAнинг амалдаги раҳбари Муҳаммад Мустаҳсан барча миллий федерацияларга бўлажак конгресснинг форматини ва у ҳақида мутахассисларнинг фикрини сўраб мактуб жўнатган.

“Биз конгрессни виртуал тарзда ўтказишга қарор қилдик. Конгресс ва овоз бериш жараёнини LUMI платформасида ташкил қиламиз. Бу дастурдан Халқаро Олимпия қўмитаси ва бошқа кўплаб спорт ташкилотлари кенг фойдаланмоқда”, – деди Муҳаммад Мустаҳсан.

Ҳозирда ташкилот раҳбарлигига Сулаймон Микоилов (Озарбайжон), Доминго Солано (Доминикан Республикаси) номзодлари илгари сурилмоқда. Шунингдек, яқин кунлар ичида улар орасига россиялик Умар Кремлев ҳам қўшилиши мумкин.

Ўқилган: 978
UFF.uz Спорт

Фойдаланувчилар фикрлари



Мазву бўйича

Сиэтлда қуёш батареяли стадион қурилмоқда
20:13
Олимпия ўйинлари тарихидан қизиқарли фактлар
08:44
Вадим Меньковни табриклаймиз!
13:27