Биринчи лига. ЎзПФЛ бадал пулини икки баробар камайтирди

Пандемия футбол клубларининг молиявий ҳолатига жиддий таъсир ўтказаётгани сир эмас. Бундан айниқса бюджети у қадар катта бўлмаган клублар азият чекмоқда.

Бир неча кун аввал ЎзПФЛ Биринчи лига клублари учун қайта қуръа ўтказди ҳамда ўйинлар саналарини эълон қилди. Учрашувлар старт олиши йўлида футболчиларнинг саломатлиги муҳим аҳамиятга эгадир. Бироқ юқорида айтилганидек, мазкур лига клубларининг моддий таъминотида муаммолар бор.

ЎзПФЛ клубларни ҳимоя қилиш учун улардан олинадиган бадал пулларини икки баробар қисқартирди. Орттирилган маблағ футболчилар саломатлиги йўлида сарфланиши борасида тавсия берилди. Мазкур қарор ташкилот Ижроқўми томонидан қўллаб-қувватланди.

Маълумот учун, Биринчи лиганинг 14 клуби икки минтақага ажратилган бўлиб, жами 12 тур учрашувларидан кейин ҳар бир минтақанинг энг сўнгги жамоаси Иккинчи лигага туширилади. Шунингдек, минтақаларнинг 4-6 ўрин эгалари бирлаштирилиб, қайта турнир ўтказилади. 5 тур якунларига кўра энг сўнгги жамоа ҳам Иккинчи лигага равона бўлади. 5-ўрин эгаси эса пулька финалчиси билан ўтиш ўйинида иштирок этади.

Ўқилган: 1151
Биринчи лига

Фойдаланувчилар фикрлари



Мазву бўйича

Трент АПЛ тақвими ҳақида: Биз тикланишга улгурмаяпмиз ва бу жароҳатларга олиб келмоқда
16:58
Миржалол Қосимов: Раҳбариятдан истеъфо сўрайман
22:16
“Манчестер Сити” ўзида “Фулхэм”ни енгди ва Англия Кубогининг кейинги босқичига йўл олди
19:58