1 сентябрда Токио-2020 Олимпия машъаласи Токиодаги Япония олимпия музейига қўйилди. Машъала жорий йилнинг бошида Грециянинг кўҳна майдонида ёқилган эди.
Шундан сўнг у “Токио-2020” Ташкилий қўмитаси томонидан махсус тайёрланган маросим билан олиб келинган ва бу ерда 1 ноябргача сақланади.
Келгуси йилда Олимпия машъаласини 10 000 нафар япониялик бутун мамлакат бўйлаб олиб ўтади.
– 2021 йилда Олимпия ва Паралимпия ўйинларида иштирок этишга интилаётган спортчилар COVID-19 пандемиясидан ташвишланаётганликларини тушуниб турибман, – деди Япония Олимпия қўмитасининг президенти Ямасита Ясухиро. – Олимпия машъаласининг Японияда намойиш этилиши улар учун умидвор рамз бўлишига ишончим комил.
“Токио-2020”нинг келгуси йилга кўчирилиши сабабли Олимпия машъаласи мезбон мамлакатда рекорд муддатда сақланиб туради.
Олимпия машъаласи Токио музейига қўйилди
Ўқилган: 1203