ESPN нашрининг маълум қилишича, 33 ёшли аргентиналик ҳужумчининг жамоа тарк этиш борасида қабул қилган қарори жамоадошларини ҳайратга солгани йўқ.
Манбанинг таъкидлашича, «Бавария» жамоасига қарши ўйиндан кейин «Барса» футболчилари Мессидан унинг кетиш қарорини тўғридан тўғри эшитишган. Лео кетиш вақтини айтмаган, лекин қарори қатъий эканлигини таъкидлаган.
Эслатиб ўтамиз, Месси ҳар мавсум охирида жамоа билан шартномасини бекор қилиш борасидаги бандидан фойдаланмоқчи. Шунга қарамай, каталонияликлар футболчини 700 млн евродан кам бўлмаган маблағ эвазига қўйиб юбормоқчи эмас. Агар Месси жамоа билан бир томонлама шартномани бекор қилмоқчи бўлса, клуб у билан судлашишга ҳам тайёр.
Жорий мавсум Месси барча мусобақалар доирасида 44 та ўйинда иштирок этиб, 31 та гол ва 26 та голли узатмани амалга оширган. Футболчининг клуб билан амалдаги шартномаси 2021 йилнинг ёзига қадар амал қилади. Ҳужумчи «Барселона» клубининг тарбияланувчиси саналади, клуб тарихидаги энг яхши тўпурар. Футболчи жамоа билан 4 маротаба ЕЧЛ кубогини қўлга киритган.