Равшан Эрматов иштирокида хорижий мураббийлар фаолияти муҳокама қилинди

Кеча Жисмоний тарбия ва спорт вазирининг биринчи ўринбосари Равшан Эрматов ва Миллий Олимпия қўмитаси Бош котиби Ойбек Касимов иштирокида Эксперт комиссиясининг навбатдаги йиғилиши ўтказилди. Йиғилиш онлайн тарзда Зоом платформаси орқали бўлиб ўтди. Уни Миллий Олимпия қўмитаси президенти Рустам Шоабдураҳмонов ҳам кузатиб борди.

Дастлаб, йиғилишда спорт турлари бўйича федерация ва ассоциация раҳбарларининг спорт турлари бўйича Ўзбекистон Республикаси терма жамоалари аъзолари бўлган спортчиларни тайёрлаш учун хорижий мутахассисларни жалб этиш юзасидан ҳисоботлари тингланди. Унга кўра, фаолияти самарали кечаётган хорижлик мутахассислар билан ўзаро ҳамкорликни камида яна бир йилга узайтириш (чунки Токио-2020 Олимпия ўйинлари келгуси йилнинг июль-август ойларида ўтказилади), аксинча фаолияти кутилган даражада самара бермаётган хорижлик мутахассислар билан ўзаро ҳамкорликни давом эттириш масаласини қайта кўриб чиқиш кераклиги таъкидланди.

Шунингдек, йиғилиш давомида карантин даврида терма жамоа аъзоларининг ҳолати ва уларнинг бу даврда ўз спорт формаларини ушлаб туриши бўйича муҳим масалалар муҳокама этилди.

Жисмоний тарбия ва спорт вазирлиги
Матбуот хизмати

Ўқилган: 915
UFF.uz Спорт

Фойдаланувчилар фикрлари



Мазву бўйича

МОҚ президенти байдарка ва каноэда эшкак эшиш бўйича терма жамоамиз йиғинида бўлди
14:04
Токио-2020 лицензиатимиз Олма-отадаги турнирда зафар қучди
18:01
Токио-2020 Олимпия ўйинлари учун оғир атлетика бўйича саралаш даври 2021 йил апрелигача узайтирилди
16:44