Роналду атиги 10 та ишлаб чиқарилган Bugatti Centodieci автомашинасини сотиб олди
"Ювентус" клуби ҳужумчиси Криштиану Роналду янги автомашина сотиб олди.
Tuttosport нашрининг ёзишича, португалиялик футболчи 8 млн евро эвазига Bugatti Centodieci сотиб олган. Ушбу машина лимитланган коллекция ҳисобланиб францияликлар бундан бор йўғи 10 та ишлаб чиқарган.
Автомашинанинг энг юқори тезлиги 380 км/соатгача чиқиши мумкин ва 100 км/соат тезликка атиги 2,4 секундда эришади.
Роналду ушбу машинани "Ювентус" клубининг А Сериядаги ғалабаси шарафига сотиб олган, бироқ уни футболчи 2021 йилга келибгина олади.
Кеча унинг 6 млн евро эвазига янги яхта сотиб олгани маълум қилинган эди.
Ўқилган: 2876