"Тоттенхэм" клуби бош мураббийи Жозе Моуриньо жамоа ярим ҳимоячиси Танги Ндомбеле билан можаро бўлгани ҳақидаги маълумотни инкор этди.
Кеча Ндомбеленинг Моуриньо билан учрашиб у билан бошқа ишлаш нияти йўқлигини билдирган деган маълумотлар пайдо бўлди. Хабарга кўра, энди мураббий ва футболчи умуман суҳбатлашаётгани йўқ.
"Йўқ. Бундай бўлгани йўқ. Ўз жамоамдан максимал даражада фойдаланишга интилмоқдаман. Мен ўйинни таркибда 12 ёки 13 ўйинчи билан бошлай олмайман. Баъзида бошланғич таркибга киритилмаган футболчилардан узур сўрайман.
Заҳирада Танги, Райан Сессеньон, Тоби Алдервейрелд, Ян Вертонген, Жедсон Фернандеш бор эди ва улар ўйнашмади. Бу футбол.
Икки ҳужумкор футболчилар – Эрик Ламела ва Стевер Бергвейн бор эди ва улар ўйинни кучайтириб бера олади. Харри Уинкс эса ўйинимизга ўзаро тушунишни таъминлайди.
Бундай бешта алмаштириш имконияти мавжуд бўлган вазиятда кимдир барчасини ишлатиш керак деб ўйлаши мумкин. Мен бундай қилишга мажбур эмасман, менда шунчаки бунга имконият бор", - дейди Моуриньо.
Ушбу мавсум Ндомбеле "Тоттенхэм" клуби сафида 19 та ўйин ўтказган бўлиб 2 та гол ва 2 та голли узатмани амалга оширган.