Мана бу юлдузнинг жами урган голлари сони 699 та бўлди!
"Барселона" клуби ҳужумчиси Лионель Месси "Леганес"га (2:0) қарши Испания Примераси ўйинида гол уришга муваффақ бўлди.
Аргентиналик юлдуз иккинчи бўлимда пенальтидан гол уриб, жамоасининг ғалабасини таъминлаб берди.
Мазкур гол Месси учун ўз фаолиятидаги 699-гол сифатида тарихга кирди. Шулардан 629 тасини у "Барселона" таркибида, 70 тасини эса Аргентина сафида урган.
Бундан ташқари, Лео Ла Лигадаги 56-пенальтисини голга айлантирди. Ундан юқорида фақатгина Криштиану Роналду 61 та пенальтидан урган голи билан 1-ўринда бормоқда.
*****
Ўқилган: 2150