"Ливерпуль" клуби назорат ўйинида "Блэкберн"ни йирик ҳисобда енгди
"Ливерпуль" клуби ўртоқлик ўйинида "Блэкберн Роверс" жамоаси устидан ғалаба қозонди. Учрашув Ливерпуль шаҳридаги "Энфилд" стадионида 6:0 ҳисоби билан якун топди.
Мерсисайдликлар томонидан ҳужумчилар Садио Мане ва Такуми Минамино, ярим ҳимоячилар Наби Кейта, Лейтон Кларксон ва ҳимоячилар Жоэль Матип, Ки-Яна Хувер биттадан гол уришга эришди.
"Ливерпуль" клуби 29 турда 82 очко жамғаришга эришди ва Премьер-лигада яққол пешқадамлик қилмоқда. Мерсисайдликлар энг яқин таъқибчиси "Манчестер Сити" клубидан 25 очко ўтиб кетган. Ўз навбатида "Блэкберн" клуби 37 турдан кейин чемпионшипда 53 очко жамғариб 10-поғонада бормоқда.
Ўқилган: 1802