Энг биринчи
Хабарингиз бор, замонавий Олимпия ўйинлари 1896 йилдан бошлаб ўтказиб келинади. Шу вақт оралиғида бир неча юзлаб Олимпия чемпионлари етишиб чиқди. Лекин замонавий Олимпия ўйинларининг илк чемпионари ким эканлигини биласизми?
Эркаклар ўртасида америкалик енгил атлетикачи Жеймс Коннолли Олимпия ўйинларида ғалаба қозонган илк спортчи ҳисобланади. Шундан сўнг аёлларнинг ҳам Олимпиадаларда иштирок этиши билан боғлиқ масалалар кўриб чиқила бошланди. 1900 йил Парижда ўтган Олимпиаданинг теннис баҳсларида Шарлотта Купер ғалаба қозониб, бу борада биринчи бўлган. У, шунингдек, дастлабки икки карра Олимпиада чемпиони ҳамдир. Ўшанда Купер микст йўналишида ҳам зафар қучган.
Ўқилган: 1181