"Манчестер Юнайтед" клуби бош мураббийи Оле-Гуннар Сульшер ҳужумчи Антони Марсьялнинг ўйинидан норози, деб маълумот бермоқда Daily Mail нашри.
Манбанинг таъкидлашича, норвегиялик мутахассисга франциялик футболчининг ишга бўлган муносабати ёқмаяпти. Англия чемпионати 36-тур "Челси" жамоасига қарши ўйиндан олдинги чигал ёзди машқлари давомида Сульшер Марсьялнинг тўп билан туриб бошқа жамоадошларининг ишини кузатиши кўрган ва бу унга манзур келмаган. Бунинг оқибатида "қизил иблислар" устози заҳирага уни эмас, балки Алексис Санчесни қўйган.
Ўйин якунлангандан кейин норвегиялик мураббий ўз ҳиссиётларини яширмади ва Антонига унинг жамоадошлари олдида ўз норозилигини билдирган ва танқид қилган.
Марсьял 2015 йилдан буён "Манчестер Юнайтед" клуби сафида ўйнаб келмоқда, унинг жамоа билан амалдаги шартномаси 2024 йилнинг ёзига қадар амал қилади. Жорий мавсум 23 ёшли ҳужумчи Премьер-лигада 26 та ўйин ўтказди ва уларда 10 та гол, 2 та голли узатмани амалга оширган.