Серхио Рамос: Футболга қайтишни кутиб, "тамом" бўляпман
"Реал" клуби сардори Серхио Рамос Испанияда мавсум бошланиши ҳақида гапириб ўтди.
"Коронавирус туфайли ўз яқинларини йўқотган барчани қўллаб-қувватламоқчиман, уларга сабр тилайман. Биз бу ҳолатдан чиқиб кетамиз, албатта. Ҳозир эса якдилликни сақлаб қолишимиз зарур.
Мен ўйинларни соғиниб ўлиб қолай деяпман. Ла Лига қайтаётганидан хурсандман. Тартиб-интизомни ушлаб турсак бу касалликни енгамиз.
Нормал ҳаётга қайтиш учун вақт керак. Мамлакатни иқтисодий кўтариш ва одамларни чалғитиш учун ҳам футбол тикланиши зарур.
Чемпионлик учун курашаётган икки жамоанинг тақвимини яхши биламан. Бизнинг мақсад - чемпион бўлиш", - дейди Рамос.
Ўқилган: 2154