"Ливерпуль" клуби ярим ҳимоячиси Садьо Мане АПЛнинг жорий мавсумдаги натижалари бекор қилиниши ҳақидаги мавзуга изоҳ берди.
"Мен ўйинларда ғалаба қозониб соврин ютмоқчиман. Бу айнан мен истаган нарса. Ҳозирги вазиятда нима бўлишидан қатъий назар тушунаман.
Буни "Ливерпуль" клубига қабул қилиш қийин, бироқ дунёда миллионлаб одамларга бундан ҳам қийин. Кимдир оиласи аъзосини йўқотди ва бу анча мураккаброқ вазият.
Менга келадиган бўлсак, соврин – бу менинг орзуим ва мен бу йили ютмоқчиман. Агар бундай бўлмаса, мен тушунаман, чунки бу ҳаётнинг бир тарзи. Умид қиламанки, кейинги мавсум ғалаба қозона оламиз", - дейди Мане.
"Ливерпуль" клуби Англия чемпионатида етакчилик қилмоқда ва иккинчи ўриндаги "Манчестер Сити"ни 25 очкога ортда қолдирмоқда.