"Барселона" клуби ҳужумчи Лионель Месси билан шартнома узайтириш мақсадида.
Клуб президенти Жозеп Бартомеу 32 ёшли ҳужумчи билан янги келишув имзолашни энг асосий вазифа деб ҳисоблайди.
Аргентиналик футболчининг жамоа билан амалдаги шартномаси 2021 йилнинг ёзига қадар амал қилади. Келишувда ўйинчининг қарорига кўра, ҳар мавсумнинг сўнггида жамоани тарк этиш имконияти борлиги ҳам кўзда тутилган.
Бартомеу келишувнинг шартларини футболчининг отаси Хорхе Месси билан шу ойнинг бошларида келишиб олмоқчи ва бир қарорга келишни режалаштирган эди, бироқ клуб билан бўлган бир нечта муаммоли вазиятлардан кейин ушбу режалар бироз кейинроққа қолиб кетди.
Мессининг ўзи ҳам "Барса" билан 2022 йилга қадар шартнома имзоламоқчи ва у ерда ҳам ўз ихтиёри билан жамоани 2021 йилнинг ёзида тарк этиш имконияти кўзда тутилади.