Лицензион мусобақани ғалаба билан бошладик
Иорданиянинг Амман шаҳрида бокс бўйича Осиё/Океания минтақалари учун Токио Олимпиадасига лицензион мусобақа старт олди. Ҳамюртимиз Ёдгорой Мирзаева терма жамоамиз вакиллари орасида биринчи бўлиб рингга кўтарилди.
Қувонарлиси, микронезиялик Женнифер Чиенгга қарши жангда юртдошимизнинг қўли баланд келди ва Мирзаева мусобақани ғалаба билан бошлаб берди. Шу тариқа Ёдгорой фаолиятидаги иккинчи Олимпиада сари дадил қадам ташлади.
Эслатиб ўтамиз, кечки дастурда -75 кг вазн тоифасида Фанат Қаҳрамонов мезбон боксчи Осама Мажидга қарши баҳс олиб боради.
Ўқилган: 1063