Андрей Аршавин: Футболчилик давримни соғинмаяпман ("ИнтерФутбол" блоги)

«Зенит» клуби ва Россия терма жамоасининг собиқ ҳужумчиси Андрей Аршавин айни пайт ўзини шарҳловчиликда синаб кўрмоқда. Умуман олганда, унинг футбол ўйинларини шарҳлаши кўпчиликка манзур бўляпти. Яқинда RT нашри Аршавин билан суҳбат уюштирди.

— Евро Лигаси финалидан олдин KIA Москвага кубокни олиб келди. Ушбу мусобақада ғолиб чиққанингизга 11 йил бўлди. Ҳиссиётлар қандай?

— Кубокни кўриб қувондим. Гарчи бу мен кўтарган кубок эканлигига шубҳа қилсам ҳам. Манчестердаги ғалабадан сўнг фаолиятимдаги энг ёқимли ҳиссиётлардан бирини туйгандим. Шунингдек, финалнинг энг яхши ўйинчиси деб топилганман. Шу боис ҳам KIA кубокни Москвага олиб келганидан хурсандман.

— Фаолиятингиз давомида кўп ютуқларга эришгансиз. Улар орасида УЕФА кубогидаги зафар қандай ўрин тутади?

— Фаолиятимда учта муҳим ўйин бўлган: «Рейнжерс»га қарши финал, 2007 йилги Россия - Англия учрашуви ҳамда Раменскдаги баҳс. Айнан ўшанда «Зенит» илк бор Россия чемпиони бўлган.

— Манчестердаги финал ўша турнирдаги энг қийини бўлганми?

— Йўқ. Бунга қадар бир қатор оғир учрашувлар ўтказгандик. Мисол учун, «Вильярреал»га қарши ўйинларни олайлик. Марселда 1:3 ҳисобида имкониятни бой бериб, ўз майдонимизда 2:0 ҳисобида зафар қучганмиз. «Бавария»ни 4:0 ҳисобида мағлуб этган ўйинимизда, афсуски, иштирок этолмагандим. Финал эса ҳаяжонли, аммо бироз осон ўтган.

— Ҳозирги «Зенит»ни ўша пайтдаги «Зенит»га таққосласа бўладими?

— Йўқ, солиштиришим қийин. 11 йил олдин ўйнаган жамоа мутлақо бошқа бир тарих. Сергей Семак қўл остида эса бошқа ижрочилар тўп суришмоқда. Футбол ўтган давр мобайнида анча ўзгарди.

— Ҳозирги «Зенит» яна юксак натижаларни қайд этиши учун нима қилиш керак?

— Жамоа таркиби ёмон эмас. Шунчаки, тўғри йўлдан бориш кифоя. Ўшанда «Зенит» нафақат Европа Лигаси, балки бошқа турнирларда ҳам зафар қучиши мумкин эди.

— Учинчи еврокубок ўйинлари ташкил этилишига қандай муносабатдасиз?

— Формат, иштирокчилар, саралаш принципларини билмай туриб, бир нарса дейиш қийин. Лекин уни шунчаки ўйлаб топишган, деб ўйламайман. Демак, учинчи турнир миллий федерациялар учун керак. Улар ўз клублари халқаро ареналарда ўйнашини исташади.

— Сўнгги пайтларда ўзингизни телеэксперт сифатида намоён қилдингиз. Машҳур шарҳловчи Геннадий Орловнинг айтишича, сизда бу борада туғма иқтидор бор экан.

— Ўзимни бу соҳада яхши ҳис қиляпман. Ўзимга баҳо бериш ниятим йўқ. Буни телемухлислардан сўраш керак. Агар керак бўлсам, шарҳловчилик билан шуғулланишда давом этаман. Акс ҳолда, телеканаллар раҳбарлари шунчаки таклиф қилмай қўйишади.

— Айрим экспертлар ижтимоий тармоқларда фаоллар. Гари Линекер ёки Владислав Радимов шулар жумласидан. Сиз ҳам айни йўлдан боришни истамайсизми?

Давоми бор. Ушбу интервьюни тўлиқ ҳолда InterFUTBOL газетасида ўқишингиз мумкин.

Блоглар Интервьюлар Россия чемпионати
Место для Вашей рекламы

Фойдаланувчилар фикрлари



Мазву бўйича

Дмитрий Михайлович блогида. Икки минтақада ҳам еттинчи тур давом этмоқда
09:30
Футбол ва бизнес: "ПСЖ" ўхшамаган лойиҳа бўлди-ми? ("ИнтерФутбол" блоги)
03:39
Акобир Тўраев: Катта жамоаларда ўйнашдан умид узганим йўқ ("ИнтерФутбол" блоги)
10:38