Ўзбекистон олимпия терма жамоаси бугун Қатар билан баҳс юритади
Ўзбекистон олимпия терма жамоаси Таиландга етиб келгани ҳақида хабар берган эдик.
Любинко Друлович бошқарувидаги олимпиячиларимиз бугун Осиё чемпионати олдидан якуний ўртоқлик ўйинини ўтказади. Терма жамоамизга Қатар олимпия термаси рақиблик қилади. Учрашув "Муангтонг Юнайтед" клубининг уй стадиони саналадиган "SCG Stadium" ўйингоҳида бўлиб ўтади ва соат 17:15 (Тошкент вақти билан 15:15)да старт олади.
Қатар билан ўйиндан кейин терма жамоамиз мусобақа доирасидаги илк учрашувини ўтказадиган Сонгхла шаҳрига йўл олади.
Ўқилган: 2984