"Челси" клуби бош мураббийи Фрэнк Лэмпард январь ойида жамоага янги футболчилар сотиб олиш ҳақида фикр билдириб ўтди.
Ўтган ҳафта Спорт арбитраж суди Лондон клубининг таъқиқини камайтирди ва "Челси" ушбу қишда янги футболчилар сотиб олиши мумкин бўлади.
"Мен келаётган трансфер мавсумига сокинлик билан муносабат билдираман. Ўз жамоамни яхши биламан ва унинг муҳити менга ёқмоқда.
Январь ойида фақатгина харид учун янги футболчилар сотиб олмаймиз. Агар зарурият бўлса ва керакли футболчини топсак ушбу масалани раҳбарият билан муҳокама қилиб кўрамиз.
Такроран айтаман, мен қишда трансферларга зарурият сезмаяпман. Ҳозирги таркибдан кўнглим тўқ ва фақатгина таъқиқ йўқлиги учун шошиб харид қилиш керак эмас. Биз шунчаки ишлашда давом этишимиз лозим", - дейди Лэмпард.