Расман! Гаттузо "Наполи" бош мураббийи этиб тайинланди
"Наполи" клуби Женнаро Гаттузони бош мураббий этиб тайинланганини эълон қилди.
Бу ҳақда клуб расмий сайти хабар бермоқда. Гаттузо 2021 йилнинг ёзига қадар мўжалланган шартномага имзо чекди. 41 ёшли мутахассис кеча истеъфога чиқарилган Карло Анчелоттининг ўрнини эгаллади.
Аввалроқ берилган маълумотларга кўра, "Наполи" мавсум охирида Чемпионлар Лигаси йўлланмасини қўлга киритадиган бўлса, келишув муддати яна 1 йилга узайтирилиши мумкин. Шунингдек, у "Наполи"да йилига 3 миллион евро маош олиши кўзда тутилмоқда.
Маълумот учун, "Наполи" А Сериянинг бу мавсумида 15 турдан кейин 21 очко билан 7-ўринни эгаллаб турибди.
Ўқилган: 1589