Боксчиларимизнинг Кубадаги йиғини ўзининг қизғин палласига кирди

Хабар берганимиздек, айни кунларда бокс бўйича Ўзбекистон терма жамоаси Кубада ўқув-машғулот йиғинини олиб бормоқда. Гаванага 22 нафар спортчи, 8 нафар мураббий билан йўл олган ҳамюртларимиз дастлаб умумий тайёргарлик бўйича шуғулланишган бўлса, кечадан спарринг жанглари бошланди.

Куба терма жамоаси ҳам ўз захирасидаги барча боксчиларни мазкур йиғинга жалб этган. Унда катталар жамоасининг биринчи ва иккинчи рақамли спортчилари, шунингдек, ёшлар терма жамоаси жам бўлган.

“Спарринг жанглари бошланди. Кубалик боксчиларнинг қандай кучли эканини яхши биламиз. Шогирдларимни уларнинг ёшлари билан ишлашда хушёрроқ бўлишга чорладим. Негаки, улар ҳали қизиққон, машғулот жангларида ўзини аямайди. Катталар эса халқаро мусобақаларда номдор рақиблар билан жанг қилавериб пишиб бўлган ва машқда ўзини эҳтиёт қилиб ҳаракат қилади”, – дея спарринг жанглар ҳақида фикр билдирмоқда терма жамоа мураббийи Тўлқин Қиличев.

Эътиборингизга Кариб денгизи соҳилларида йиғин ўтказаётган боксчиларимизнинг фотосуратларини ҳавола қиламиз:

Ушбу йиғин 23 ноябргача давом этади.

Ўқилган: 1218
Бокс

Фойдаланувчилар фикрлари



Мазву бўйича

Ишчи гуруҳ Навоий вилоятининг спорт соҳасидаги инфратузилмасини ўрганмоқда
19:14
Париж-2024 учун Олимпия терма жамоаси тузилади
10:01
2022 йилги Осиё ўйинлари объектларининг 85 фоизи 2020 йилда қуриб битказилади
20:45