Обамеянг АПЛда сентябрь ойининг энг яхши ўйинчиси
"Арсенал" клуби ҳужумчиси Пьер-Эмерик Обамеянг Англия чемпионатида сенятбрь ойининг энг яхши футболчиси деб тан олинди.
Ўтган ойда 30 ёшли футболчи АПЛнинг 4 та ўйинида 5 та гол урди.
Обамеянг учун ушбу соврин иккинчиси бўлди – у бундан олдин 2018 йили октябрь ойининг энг яхши футболчиси бўлган эди.
Совринга "Ливерпуль" ҳимоячиси Трент Александр Арнольд, "Манчестер Сити" футболчилари Кевин де Брюйне ва Рияд Маҳрез, "Тоттенхэм" ҳужумчиси Сон Ҳин Мин, "Лестер" ҳимоячиси Рикарду Перейра, "Борнмут" ярим ҳимоячиси Каллум Уилсон ва "Астон Вилла" ўйинчиси Жон Макгинн каби футболчилар даъвогарлик қилган эди.
Энг яхши ўйинчи мухлислар, АПЛ клуби сардорлари ва мутахассисларнинг овоз бериши билан аниқланди.
Ўқилган: 1718