"Ливерпуль" АПЛнинг 7-турда 7-ғалабасини қўлга киритди

Англия Премьер-лигасининг 7-туридан ўрин олган "Шеффилд Юнайтед" - "Ливерпуль" учрашуви якунланди.

Баҳснинг биринчи бўлими бироз зерикарли тарзда кечди. Иккала жамоа ҳам бир нечта вазиятларни яратган бўлса-да, улар гол билан якунланмади.

Иккинчи бўлимни "Ливерпуль" клуби бироз фаол бошлади ва бир нечта имкониятларни юзага келтирди. Ниҳоят, 70-дақиқага келиб учрашувда ҳисоб очилди. Жоржиньо Вейналдумнинг 18 метрларда берган зарбаси қайтариш вақтида "Шеффилд Юнайтед" дарвозабони хатога йўл қўйди, - 0:1.

Голдан кейин Муҳаммад Салоҳ бирга-бир вазиятга чиқиб борган бўлса-да, Хендерсон қўриқлаётган дарвозани ишғол қила олмади.

85-дақиқада эса "Шеффилд" ҳужумчиси Кларк ҳам бирга-бир имкониятни йўққа чиқарди. Қолган вақт давомида дарвозаларга бошқа тўп киритилмади. 

Шу тариқа, "Ливерпуль" АПЛнинг 7-турида ҳам ғалаба қозонди ва очколари сонини 21тага етказди. 

АПЛ, 7-тур

"Шеффилд Юнайтед" - "Ливерпуль" - 0:1

Гол: 0:1 – 70 Вейналдум.

"Шеффилд Юнайтед" – Хендерсон, Болдок, Башем, Иган, Стивенс, Норвуд (Кларк, 76), Ландстрем, Робинсон (Муссе, 60), Флек, О`Коннелл, Макберни.

"Ливерпуль" – Адриан, ван Дейк, Робертсон, Александер-Арнолд, Матип, Хендерсон (Ориги, 64), Фабиньо, Вейналдум, Мане (Чемберлейн, 90), Салоҳ, Фирмино (Милнер, 87).

Ўқилган: 1325
Англия чемпионати Ливерпуль Шеффилд Юнайтед

Фойдаланувчилар фикрлари



Мазву бўйича

"Манчестер Юнайтед" - "Кристал Пэлас": Таркиблар!
18:20
АПЛнинг қолган мавсум бўйича қарори учун 20 тадан 14 та овоз етарлича бўлади
10:13
Расман! Бенитес “Ньюкасл”ни тарк этади
18:38