Октябрда бўлиб ўтадиган футзал бўйича Осиё чемпионати-2020 саралаш баҳсларига ҳозирлик олиб бораётган Ўзбекистон миллий терма жамоаси Россиянинг Нижний Новгород шаҳрида ўтказилувчи халқаро мусобақада иштирок этиши ҳақида хабар берган эдик.
Бугундан Нижний Новгородда 3-марта ташкил этилаётган “Чкалов Кубоги” мусобақаси старт олди. Унда Баҳодир Аҳмедов бошчилигидаги футзал бўйича Ўзбекистон миллий терма жамоаси ҳам иштирок этмоқда.
Мусобақада бош соврин учун шунингдек, Россия U-19 терма жамоаси, “Спартак” (Москва) ҳамда “Оргхим” (Нижний Новгород) футзал клублари баҳс олиб боришади. Ҳар бир жамоа мусобақа давомида 3 тадан ўйин ўтказади.
Терма жамоамиз илк ўйинни "Оргхим" клубига қарши ўтказди ва 1:3 ҳисобида имкониятни бой берди.
“Чкалов Кубоги” мусобақаси
29 август – пайшанба
"Оргхим" – Ўзбекистон 3:1
Голлар: Сергей Денисов, Александр Сурик - Рустам Умаров (автогол), Ҳусниддин Нишонов.
Ўзбекистон: Рустам Умаров, Ихтиёр Ропиев, Дилмурод Шавкатов, Машраб Адилов, Илҳом Ҳамроев.
Захирадан тушганлар: Равшан Элибоев, Даврон Чориев, Ҳусниддин Нишонов, Дилшод Раҳматов, Акбар Усмонов, Абдулла Солихов.
Огоҳлантириш: Равшан Элибоев (34).
Футзал бўйича Ўзбекистон миллий терма жамоаси бугун “Чкалов Кубоги” мусобақасидаги иккинчи ўйинини ўтказади.
30 август – жума (18:00)
Россия U-19 – Ўзбекистон м.т.ж